ಬಹುಮುಖ ಪ್ರತಿಭೆಯ ಲೇಖಕಿ, ಚಿಕಿತ್ಸಕಿ, ರೇಖಿ ಮಾಸ್ಟರ್ ಹಾಗೂ ಸಾಯಿ ಬಂಧು - ಶ್ರೀಮತಿ. ಜಯ ವಾಹಿ - ಕೃಪೆ: ಸಾಯಿಅಮೃತಧಾರಾ.ಕಾಂ

ಶ್ರೀಮತಿ.ಜಯ ವಾಹಿಯವರು ಟೈಮ್ಸ್ ಗ್ರೂಪ್ ಬುಕ್ಸ್ (ಟೈಮ್ಸ್ ಆಫ್ ಇಂಡಿಯಾದ ಒಂದು ಅಂಗ ಸಂಸ್ಥೆ) ನ ಪ್ರಕಾಶನದ ಅಡಿಯಲ್ಲಿ ಹೊರಬಂದಿರುವ   "ಸಾಯಿಬಾಬಾ ಇಸ್ ಸ್ಟಿಲ್ ಅಲೈವ್" ಪುಸ್ತಕದ ಲೇಖಕರು. ಇವರೊಬ್ಬ ಅಪ್ರತಿಮ ಬರಹಗಾರ್ತಿ, ಪ್ರತಿಭಾನ್ವಿತ ಚಿಕಿತ್ಸಕಿ, ರೇಖಿ ಮಾಸ್ಟರ್, ಸ್ಪೂರ್ತಿದಾಯಕ ಮಾತುಗಾರ್ತಿಯಾಗಿದ್ದು  ಬಹುಮುಖ ಪ್ರತಿಭೆಯ ಸಾಯಿಬಂಧುವಾಗಿದ್ದಾರೆ.

 "ಸಾಯಿಬಾಬಾ ಇಸ್ ಸ್ಟಿಲ್ ಅಲೈವ್" ಪುಸ್ತಕವು ಜೂನ್ 2013 ರಲ್ಲಿ ಬಿಡುಗಡೆಯಾಗಿದ್ದು ಪ್ರಸ್ತುತ ಈ ಪುಸ್ತಕವು ಇತರ ಭಾಷೆಗಳಾದ ಹಿಂದಿ, ತಮಿಳು, ಕನ್ನಡ, ಮರಾಠಿ, ತೆಲುಗು, ಮಲಯಾಳಂ, ಜರ್ಮನ್ ಹಾಗೂ ಇನ್ನೂ ಹಲವಾರು ಭಾಷೆಗಳಿಗೆ ಅನುವಾದಗೊಳ್ಳುತ್ತಿದೆ. ಈ ಪುಸ್ತಕವು ಬಿಡುಗಡೆಯಾದ ಕೇವಲ ಎರಡು ತಿಂಗಳಲ್ಲಿ "ಬೆಸ್ಟ್ ಸೆಲ್ಲರ್" ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದಷ್ಟೇ ಅಲ್ಲದೇ ಆನ್ ಲೈನ್ ಶಾಪಿಂಗ್ ತಾಣವಾದ ಅಮೆಜಾನ್.ಕಾಂ ನ "ಇಂಟರ್ ನ್ಯಾಷನಲ್ ಬೆಸ್ಟ್ ಸೆಲ್ಲರ್" ಪಟ್ಟಿಯ ಅತ್ಯುತ್ತಮ 50 ಪುಸ್ತಕಗಳ ಪಟ್ಟಿಯಲ್ಲಿ ಸೇರಿಕೊಂಡಿದೆ.

ಈ ಪುಸ್ತಕದಲ್ಲಿ ಶ್ರೀಮತಿ.ಜಯ ವಾಹಿಯವರು ತಮಗಾದ ಅದ್ಭುತ ಅನುಭವಗಳು, ಆಳವಾಗಿ ಬೇರೂರಿದ ಭಾವನೆಗಳು ಹಾಗೂ ತಮ್ಮ ತಂದೆ, ಗುರು ಹಾಗೂ ಇನ್ನೂ ಹತ್ತು ಹಲವು ಸ್ವರೂಪಗಳಲ್ಲಿ ಕಾಣಿಸಿಕೊಂಡಿರುವ ಶ್ರೀ ಶಿರಡಿ ಸಾಯಿಬಾಬಾರವರೊಂದಿಗೆ ತಮ್ಮ ಜೀವನದ ಪ್ರಯಾಣದ ವಿವರಗಳನ್ನು  ಸುಂದರವಾಗಿ ಹಂಚಿಕೊಂಡಿದ್ದಾರೆ.  ಈ ಪುಸ್ತಕದಲ್ಲಿ ಹಲವಾರು ಸಾಯಿ ಭಕ್ತರ ಜೀವನದಲ್ಲಿ ನಡೆದ ನೈಜ ಘಟನೆಗಳನ್ನು ಕುರಿತು ಬರೆಯಲಾಗಿದ್ದು, ಓದುಗರ ಮನಸ್ಸಿಗೆ ಮುದ ಹಾಗೂ ತೃಪ್ತಿಯನ್ನು ನೀಡುವುದಷ್ಟೇ ಅಲ್ಲದೇ ಪುಸ್ತಕದ ಶೀರ್ಷಿಕೆಯಾದ  "ಸಾಯಿಬಾಬಾ ಇಸ್ ಸ್ಟಿಲ್ ಅಲೈವ್" ಎಂಬ ವಿಷಯವನ್ನು ಮನದಟ್ಟು ಮಾಡಿಕೊಡುತ್ತದೆ. 

5ನೇ ಆಗಸ್ಟ್ ರಂದು ಜನ್ಮ ತಾಳಿದ ಶ್ರೀಮತಿ ಜಯ ವಾಹಿಯವರು 2002ನೇ ಇಸವಿಯಲ್ಲಿ ಶ್ರೀ ಸಾಯಿಬಾಬಾರವರ ಭಕ್ತೆಯಾಗಿ ರೂಪುಗೊಂಡರು 

ಶ್ರೀ ಶಿರಡಿ ಸಾಯಿಬಾಬಾರವರಿಂದ ರೋಗಿಗಳಿಗೆ ಚಿಕಿತ್ಸೆ ನೀಡುವ ಶಕ್ತಿಯನ್ನು ಪಡೆದುಕೊಂಡ ಶ್ರೀಮತಿ ಜಯ ವಾಹಿಯವರು ಅದರೊಂದಿಗೆ ರೇಖಿ ಮಾಸ್ಟರ್ ಆಗಿ ತಾವು ಗಳಿಸಿದ್ದ ತಮ್ಮ ಹನ್ನೆರಡು ವರ್ಷಗಳ  ಚಿಕಿತ್ಸೆಯ ಆನುಭವವನ್ನೂ ಸೇರಿಸಿಕೊಂಡು ಹಲವಾರು ರೋಗಿಗಳ ಅಪರೂಪದ ಖಾಯಿಲೆಗಳನ್ನು ಹಾಗೂ ಇನ್ನಿತರ ತೊಂದರೆಗಳನ್ನು ಬಾಬಾರವರ ಆಶೀರ್ವಾದದಿಂದ ನೀಡುತ್ತಾ ಬಂದಿದ್ದಾರೆ. ಅಂತಹ ಒಂದು ದಿಗ್ಭ್ರಮೆಯನ್ನು ಉಂಟುಮಾಡುವ ಪವಾಡ ಸದೃಶ ಚಿಕಿತ್ಸೆಯನ್ನು ಈ ಪುಸ್ತಕದಲ್ಲಿ ತಿಳಿಸಲಾಗಿದೆ. ಈ ಪುಸ್ತಕವು ಶ್ರೀಮತಿ ಜಯ ವಾಹಿಯವರನ್ನು ಪೂರ್ಣ ಪ್ರಮಾಣದಲ್ಲಿ ಚಿಕಿತ್ಸಕಿಯಾಗಿ ರೂಪುಗೊಳ್ಳುವಂತೆ ಮಾಡಿತಲ್ಲದೇ ದಿನ ಕಳೆದಂತೆ ಒಂದರ ಮೇಲೆ ಮತ್ತೊಂದರಂತೆ ಅವರು ಯಶಸ್ವಿ ಚಿಕಿತ್ಸಕಿಯಾಗಿ ಮುಂದುವರಿಯುವಂತೆ ಮಾಡಿದೆ. 

ಪ್ರೀತಿಯ ಸಾಕಾರ ಮೂರ್ತಿಯಾಗಿರುವ ಶ್ರೀಮತಿ ಜಯ ವಾಹಿಯವರಿಗೆ ಆರೈಕೆ, ವಿಶ್ವಾಸ ಮತ್ತು ಪ್ರೀತಿಗಳು ಸಹಜವಾಗಿ ಬಂದಿರುತ್ತವೆ. ಇವರನ್ನು ಹತ್ತಿರದಿಂದ ಬಲ್ಲ ಎಲ್ಲರೂ ಇವರನ್ನು ಪ್ರೀತಿಯಿಂದ "ದೀದಿ ಜಾನ್" ಎಂದು ಕರೆಯುವ ಅಭ್ಯಾಸ ಇಟ್ಟುಕೊಂಡಿದ್ದಾರೆ. ಈ ಪ್ರಪಂಚದಲ್ಲಿ ಯಾರೊಬ್ಬರೂ ನೋವಿನಿಂದ ಬಳಲಬಾರದು  ಹಾಗೂ ಮನೆಗೊಬ್ಬ ಚಿಕಿತ್ಸಕನನ್ನು ಸೃಷ್ಟಿಸಬೇಕೆಂಬುದು ಇವರ ಹೆಬ್ಬಯಕೆಯಾಗಿದೆ.  ಈ ಪ್ರಪಂಚದಲ್ಲಿ ನೋವಿನಿಂದ ಬಳಲುತ್ತಿರುವವರ ನೋವನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ಬಾಬಾರವರು ಅವರಿಗೆ ನೀಡಿರುವ ಶಕ್ತಿಯನ್ನು ಹಾಗೂ ಆಶೀರ್ವಾದವನ್ನು ಮುಂದಿಟ್ಟುಕೊಂಡು ಭಾರತದ ವಿವಿಧ ಕಡೆಗಳಲ್ಲಿ ಹಾಗೂ ಪ್ರಪಂಚದಾದ್ಯಂತ ಎಲ್ಲಾ ನಗರಗಳಲ್ಲಿ ರೇಖಿ ಕಾರ್ಯಾಗಾರಗಳನ್ನು ಹಮ್ಮಿಕೊಂಡು ಜನರಿಗೆ ರೇಖಿ ಚಿಕಿತ್ಸೆಯನ್ನು ಕಲಿಸುತ್ತಿದ್ದಾರೆ. ಅವರು ಈ ಕಾರ್ಯಾಗಾರವನ್ನು ಏಪ್ರಿಲ್ 2014 ರಲ್ಲಿ ಪ್ರಾರಂಭಿಸಿದ್ದು ಕೇವಲ ಮೂರು ತಿಂಗಳ ಒಳಗಾಗಿ 100ಕ್ಕೂ ಹೆಚ್ಚು ರೇಖಿ ಚಿಕಿತ್ಸಕರನ್ನು ತಯಾರು ಮಾಡಿದ್ದಾರೆ. ಕೇವಲ ಈಗಷ್ಟೇ ತಮ್ಮ ರೇಖಿ ಕಾರ್ಯಾಗಾರಗಳನ್ನು  ಪ್ರಾರಂಭಿಸಿರುವ ಅವರು ಇದೇ ರೀತಿ ಲಕ್ಷಾಂತರ ಚಿಕಿತ್ಸಕರನ್ನು ತಯಾರು ಮಾಡುವ ಸದುದ್ದೇಶ ಹೊಂದಿದ್ದಾರೆ.

ಇವರು ಹೀಗೆ ತಯಾರು ಮಾಡಿರುವ ರೇಖಿ ಚಿಕಿತ್ಸಕರುಗಳು ಒಂದು ಬೃಹತ್ ಸಾಯಿ ಕುಟುಂಬವಾಗಿ ಮಾರ್ಪಟ್ಟು ಅವರೆಲ್ಲರೂ ಒಗ್ಗಟ್ಟಿನಿಂದ ಪ್ರಪಂಚದ ಅನೇಕ ಕಡೆಗಳಲ್ಲಿ ನೆಲೆಸಿದ್ದು ತಮಗೆ ತಿಳಿದಿರುವ ಹಾಗೂ ತಿಳಿಯದೆ ಇರುವ ಹಲವಾರು ಜನರಿಗಾಗಿ ಪ್ರಾರ್ಥನೆ ಮತ್ತು  ರೇಖಿ ಚಿಕಿತ್ಸೆಗಳನ್ನು ಮಾಡುತ್ತಾ ಬಂದಿದ್ದಾರೆ. ಇದಕ್ಕಾಗಿಯೇ ಶ್ರೀಮತಿ. ಜಯ ವಾಹಿಯವರು "ಹೀಲ್ ದಿ ವರ್ಲ್ಡ್" ಎಂಬ ಫೇಸ್ ಬುಕ್ ಹಾಳೆಯನ್ನು ತೆರೆದಿದ್ದು ಇದರಲ್ಲಿ ಈಗಾಗಲೇ 3000 ಜನರು ಸದಸ್ಯರಾಗಿದ್ದಾರೆ. ಯಾರಾದರೂ ತೀವ್ರ ಅನಾರೋಗ್ಯದಿಂದ ಬಳಲುತ್ತಿರುವವರಿಗಾಗಲೀ, ಮುರಿದು ಹೋಗಿರುವ ಸಂಬಂಧಗಳಿಗಾಗಲೀ, ನೈಸರ್ಗಿಕವಾಗಿ ಒದಗಿಬರುವ ಪ್ರಕೃತಿ ವಿಕೋಪಗಳಿಗಾಗಲೀ ಅಥವಾ ಲೋಕ ಕಲ್ಯಾಣಕ್ಕಾಗಲೀ ಈ ಫೇಸ್ ಬುಕ್ ಹಾಳೆಯ ಮೂಲಕ ರೇಖಿ ಚಿಕಿತ್ಸಕರು ಚಿಕಿತ್ಸೆಯ ಸಂದೇಶವನ್ನು ರವಾನಿಸಿದಾಗ ಅವುಗಳು ಖಂಡಿತವಾಗಿಯೂ ತಪ್ಪದೇ ನೆರವೇರುತ್ತಿವೆ. ಈ ರೀತಿಯಲ್ಲಿ ಶ್ರೀಮತಿ ಜಯ ವಾಹಿಯವರು ಮತ್ತು ಚಿಕಿತ್ಸಕರ ಕುಟುಂಬದ ಸದಸ್ಯರುಗಳು  ಒಗ್ಗಟ್ಟಿನಿಂದ ಕಾರ್ಯತತ್ಪರರಾಗಿ ಬಾಬಾರವರ ಸೃಷ್ಟಿಯ ಈ ಜಗತ್ತು ತೊಂದರೆ ಮುಕ್ತವಾಗಿ ಜಗತ್ತಿನ  ಎಲ್ಲರೂ ಅರ್ಥಪೂರ್ಣ ಜೀವನ ನಡೆಸುವಂತೆ ಮಾಡಲು ಎಲ್ಲಾ ಪ್ರಯತ್ನಗಳನ್ನೂ ಮಾಡುತ್ತಿದ್ದಾರೆ.

ಶ್ರೀಮತಿ. ಜಯ ವಾಹಿಯವರು  "ಸಾಯಿಬಾಬಾ ಇಸ್ ಸ್ಟಿಲ್ ಅಲೈವ್" ಎಂಬ ಮತ್ತೊಂದು ಫೇಸ್ ಬುಕ್ ಹಾಳೆಯನ್ನು ತೆರೆದಿದ್ದು ಇದರಲ್ಲಿ ಈಗಾಗಲೇ 2500 ಕ್ಕೂ ಹೆಚ್ಚು  ಜನರು ಸದಸ್ಯರಾಗಿದ್ದಾರೆ.  ಈ ಫೇಸ್ ಬುಕ್ ನ ಹಾಳೆಯಲ್ಲಿ ಶ್ರೀ ಶಿರಡಿ ಸಾಯಿಬಾಬಾರವರ ಉಪದೇಶಗಳು, ದಿವ್ಯ ಸಂದೇಶಗಳು, ಭಕ್ತರ ಅನುಭವಗಳು, ಸಾಯಿಬಾಬಾರವರ ಮೇಲೆ ಹೆಣೆಯಲಾದ ಪದ್ಯಗಳು, ಹಾಡುಗಳು ಹಾಗೂ ಇನ್ನೂ ಹಲವಾರು ವಿಷಯಗಳನ್ನು ಕುರಿತಂತೆ ಎಲ್ಲಾ ಸದಸ್ಯರುಗಳ ನಡುವೆ ವಿಷಯ ವಿನಿಮಯ ನಿಯಮಿತವಾಗಿ ಆಗುತ್ತಿದೆ. ಸಾಯಿ ಭಕ್ತರು ಫೇಸ್ ಬುಕ್ ನ ಈ ಹಾಳೆಗೆ ಮನಸೋತು ದಾಸರಾಗಿದ್ದಾರೆ ಎಂದು ಹೇಳಿದರೆ ಅತಿಶಯೋಕ್ತಿಯಲ್ಲ.

ಶ್ರೀಮತಿ ಜಯ ವಾಹಿಯವರ ವಿಶೇಷ ಸಾಮರ್ಥ್ಯಗಳು: 

ಹೀಲಿಂಗ್ ಥಿರೆಪೀಸ್
ಸಬಲೀಕರಣ ಕಾರ್ಯಾಗಾರಗಳು
ಪ್ರೇರಣೆ ನೀಡುವ ವಿಚಾರ ಗೋಷ್ಠಿಗಳು
ಕೋಪ ನಿರ್ವಹಣಾ ಕಾರ್ಯಗಾರಗಳು
ಸ್ವಯಂ ನಿರ್ವಹಣಾ ಕಾರ್ಯಕ್ರಮಗಳು 

ಚಿಕಿತ್ಸೆ ಕಲಿಕೆಯ ಅಧಿವೇಶನಗಳು 

ಆಧ್ಯಾತ್ಮಿಕ ಕಾರ್ಯಾಗಾರಗಳು 

ಸ್ತ್ರೀ ಸಬಲೀಕರಣ 

ಯುವ ಸಬಲೀಕರಣ
ಗರ್ಭಿಣಿ ಸ್ತ್ರೀಯರಿಗೆ ಕಾರ್ಯಕ್ರಮಗಳು
ಫೋಬಿಯಾ ಚಿಕಿತ್ಸೆ
ಟೈಮ್ ಲೈನ್ ಚಿಕಿತ್ಸೆ (ಎನ್.ಎಲ್.ಪಿ)
ಬಿಳಿ ಬೆಳಕು ಚಿಕಿತ್ಸೆ
ಗೋಲ್ ಸೆಟ್ಟಿಂಗ್ ಮತ್ತು ಅಯಸ್ಕಾಂತ ಸಿದ್ಧಾಂತ
ಖಿನ್ನತೆ ನಿವಾರಣೆ ಸಲಹೆ 

ಆತ್ಮಹತ್ಯೆ ನಿವಾರಣೆಗಾಗಿ ಸಲಹೆ

ಶ್ರೀಮತಿ ಜಯ ವಾಹಿಯವರಿಗೆ ದೊರೆತಿರುವ ವಿಶೇಷ ಮಾನ್ಯತೆಗಳು: 

ಸ್ಪೆಷಾಲಿಟೀಸ್: ಅಮೇರಿಕಾದ ಡೇಲ್ ಕಾರ್ನಿಜೆಯಿಂದ ತರಬೇತುದಾರರಾಗಿ ಮಾನ್ಯತೆ.  

ಅಮೇರಿಕಾದ ನ್ಯೂರೋ ಲಿಂಗ್ವಿಸ್ಟಿಕ್ ಪ್ರೋಗ್ರಾಮಿಂಗ್ ನ ಡಾ.ರಿಚರ್ಡ್ ಬಾಂಡ್ಲರ್  ರವರ ಟೈಮ್ ಲೈನ್ ಚಿಕಿತ್ಸೆ (ಎನ್.ಎಲ್.ಪಿ) ಯ ಪರವಾನಗಿ ಹೊಂದಿರುವ ಅಧಿಕೃತ ವೈದ್ಯರು. 

ಇಂಗ್ಲೆಂಡ್ ನ ದಿ ಕೋಚಿಂಗ್ ಅಕಾಡೆಮಿಯಿಂದ ಲೈಫ್ ಕೋಚಿಂಗ್ ನಲ್ಲಿ ಪ್ರಮಾಣಪತ್ರದ ಮಾನ್ಯತೆ. 

ವೇದಾಂತ ಮತ್ತು ಪೂರ್ವ ಸಿದ್ಧಾಂತ ನಿರ್ವಹಣೆಯಲ್ಲಿ ಪರಿಣತಿ ಹಾಗೂ ಮಾನ್ಯತೆ.

ಶ್ರೀಮತಿ ಜಯ ವಾಹಿಯವರ ಸಂಪರ್ಕದ ವಿವರಗಳು: 

ದೂರವಾಣಿ ಸಂಖ್ಯೆ:

 +91 98184 65473

ಮಿಂಚಂಚೆ: 
saibabaisstillalive@gmail.com 

ಫೇಸ್ ಬುಕ್  ವಿಳಾಸ:

"ಸಾಯಿಬಾಬಾ ಇಸ್ ಸ್ಟಿಲ್ ಅಲೈವ್" ಮತ್ತು "ಹೀಲ್ ದಿ ವರ್ಲ್ಡ್" 

ಅಂತರ್ಜಾಲ ತಾಣ :

www.divatyas.com

(ಆಧಾರ: ಶ್ರೀ.ಅನುರಾಗ್ ಭಾತ್ಲಾ, ನವದೆಹಲಿ ಮಿಂಚಂಚೆಯ ಮೂಲಕ ದಿನಾಂಕ 2ನೇ ಸೆಪ್ಟೆಂಬರ್ 2014 ರಂದು ನೀಡಿರುವ ಮಾಹಿತಿ)


ಕನ್ನಡ ಅನುವಾದ: ಶ್ರೀಕಂಠ ಶರ್ಮ