ಸಾಯಿ ಅಮೃತವಾಣಿ

Tuesday, August 2, 2011

ಮಹಾರಾಷ್ಟ್ರದ ಶಿರಡಿ ಸಾಯಿಬಾಬಾ ಮಂದಿರ - ಶ್ರೀ.ಶಿರಡಿ ಸಾಯಿಬಾಬಾ ಮಂದಿರ, ಭಗವತಿ ಸಾಯಿ ಸಂಸ್ಥಾನ (ನೋಂದಣಿ) ಮತ್ತು ಶ್ರೀ.ಸಾಯಿ ನಾರಾಯಣ ಬಾಬಾ ಆಶ್ರಮ, ರೈಲ್ವೇ ನಿಲ್ದಾಣದ ಎದುರುಗಡೆ, ಪನ್ವೇಲ್ -410 206, ರಾಯಘಡ ಜಿಲ್ಲೆ, ಮಹಾರಾಷ್ಟ್ರ, ಭಾರತ.

ದೇವಾಲಯದ ವಿಶೇಷತೆಗಳು:

ಈ ದೇವಾಲಯವು ಮಹಾರಾಷ್ಟ್ರದ ರಾಯಘಡ ಜಿಲ್ಲೆಯಲ್ಲಿರುವ ಪನ್ವೇಲ್ ರೈಲ್ವೇ ನಿಲ್ದಾಣದ ಎದುರುಗಡೆ ಇರುತ್ತದೆ.

ಈ ದೇವಾಲಯದ ಉದ್ಘಾಟನೆಯನ್ನು ಭಗವತಿ ಸಾಯಿ ಸಂಸ್ಥಾನ (ನೋಂದಣಿ) ಮತ್ತು ಶ್ರೀ.ಸಾಯಿ ನಾರಾಯಣ ಬಾಬಾ ಆಶ್ರಮದ ಸಂಸ್ಥಾಪಕ ಶ್ರೀ.ಸಾಯಿ ನಾರಾಯಣ ಬಾಬಾರವರು 1ನೇ ಜನವರಿ 1970 ರಂದು ನೆರವೇರಿಸಿದರು.

ದೇವಾಲಯದಲ್ಲಿ 5.5 ಅಡಿ ಎತ್ತರದ ಪಂಚಲೋಹದ ಶಿರಡಿ ಸಾಯಿಬಾಬಾರವರ ವಿಗ್ರಹವನ್ನು ಪ್ರತಿಷ್ಟಾಪಿಸಲಾಗಿದೆ. ಸಾಯಿಬಾಬಾರವರ ದೊಡ್ಡ ವಿಗ್ರಹದ ಮುಂಭಾಗದಲ್ಲಿ ಅಮೇರಿಕದ ಶ್ರೀ.ವಿಲ್ಲಿಯಮ್ ಸನಿಯವರು ತಮ್ಮ ದಿವಂಗತ ತಂದೆ ಶ್ರೀ.ಹಸ್ಸಾರಾಂ ವಾಧುಮಾಲ್ ಆಸ್ನಾನಿಯವರ ಜ್ಞಾಪಕಾರ್ಥವಾಗಿ ನೀಡಿರುವ 2 ಅಡಿ ಎತ್ತರದ ಕಲ್ಚರ್ಡ್ ಅಮೃತ ಶಿಲೆಯ ವಿಗ್ರಹವನ್ನು ಸ್ಥಾಪಿಸಲಾಗಿದೆ.

ಅಮೃತ ಶಿಲೆಯ ಪಾದುಕೆಗಳನ್ನು ದೊಡ್ಡ ವಿಗಹದ ಮುಂಭಾಗದಲ್ಲಿ ಸ್ಥಾಪಿಸಲಾಗಿದೆ. ಶಿರಡಿಯಲ್ಲಿ ಇರುವಂತೆ ಸಾಯಿಬಾಬಾರವರ ವಿಗ್ರಹದ ಎದುರುಗಡೆ ಇರುವಂತೆ ಅಮೃತ ಶಿಲೆಯ ನಂದಿಯ ವಿಗ್ರಹವನ್ನು ಸ್ಥಾಪಿಸಲಾಗಿದೆ. ದೇವಾಲಯದ ಒಳ ಗೋಡೆಗಳ ಮೇಲೆ ಶ್ರೀ.ಸಾಯಿ ನಾರಾಯಣ ಬಾಬಾ ಮತ್ತು ಕಲ್ಲಿನ ಮೇಲೆ ಕುಳಿತ ಸಾಯಿಬಾಬಾರವರ ಚಿತ್ರಪಟಗಳನ್ನು ತೂಗುಹಾಕಲಾಗಿದೆ.

ದೇವಾಲಯವು ಪ್ರತಿದಿನ ಬೆಳಿಗ್ಗೆ ಭೂಪಾಲಿ ಮತ್ತು ಕಾಕಡಾ ಆರತಿಯೊಂದಿಗೆ ತೆರೆಯುತ್ತದೆ ಮತ್ತು ರಾತ್ರಿ 8:15 ಕ್ಕೆ ಶೇಜಾರತಿಯಾದ ನಂತರ ಮುಚ್ಚುತ್ತದೆ.