ಸಾಯಿ ಅಮೃತವಾಣಿ

Tuesday, August 9, 2011

ಕೋಲಾರದ ಶಿರಡಿ ಸಾಯಿಬಾಬಾ ಮಂದಿರ - ಶ್ರೀ ಸಾಯಿಬಾಬಾ ಮಂದಿರ, ಶ್ರೀ ಸತ್ಯ ಸಾಯಿ ಸೇವಾ ಕ್ಷೇತ್ರ, ಮಹಿಳಾ ಸಮಾಜದ ಹತ್ತಿರ, ಹೊಸ ಬಡಾವಣೆ, ಕೋಲಾರ-563 101, ಕರ್ನಾಟಕ - ಕೃಪೆ: ಸಾಯಿಅಮೃತಧಾರಾ.ಕಾಂ

ದೇವಾಲಯದ ವಿಶೇಷತೆಗಳು:

ಈ ದೇವಾಲಯವು ಕೋಲಾರದ ಹೊಸ ಬಡಾವಣೆಯಲ್ಲಿರುವ ಎಸ್.ಎನ್.ಆರ್.ಆಸ್ಪತ್ರೆಯ ಎದುರು ಮತ್ತು ಮಹಿಳಾ ಸಮಾಜದ ಹತ್ತಿರ ಇರುತ್ತದೆ. ದೇವಾಲಯವುಕೋಲಾರದ ಬಸ್ ನಿಲ್ದಾಣದಿಂದ ಕೇವಲ 10 ನಿಮಿಷದ ನಡಿಗೆಯ ಅಂತರದಲ್ಲಿರುತ್ತದೆ.

ಈ ದೇವಾಲಯದ ಉದ್ಘಾಟನೆಯನ್ನು ಏಪ್ರಿಲ್ 1994 ರಲ್ಲಿ ಸಾವಿರಾರು ಸ್ಥಳೀಯ ಸಾಯಿ ಭಕ್ತರ ಸಮ್ಮುಖದಲ್ಲಿ ಟ್ರಸ್ಟ್ ನ ಸದಸ್ಯರುಗಳು ನೆರವೇರಿಸಿದರು.

ದೇವಾಲಯವು ಬೆಳಿಗ್ಗೆ 5 ಘಂಟೆಗೆ ತೆರೆಯುತ್ತದೆ ಮತ್ತು ಮಧ್ಯಾನ್ಹ 12:30 ಕ್ಕೆ ಮುಚ್ಚುತ್ತದೆ. ಪುನಃ ಸಂಜೆ 5:30 ಕ್ಕೆ ತೆರೆಯುತ್ತದೆ ಹಾಗೂ ರಾತ್ರಿ 8:30 ಕ್ಕೆ ಶೇಜಾರತಿಯ ನಂತರ ಮುಚ್ಚುತ್ತದೆ

ಅಮೃತ ಶಿಲೆಯ 5 ಅಡಿ ಎತ್ತರದ ಸಾಯಿಬಾಬಾರವರ ವಿಗ್ರಹ ಮಂದಿರದಲ್ಲಿ ರಾರಾಜಿಸುತ್ತಿದೆ. ಸಾಯಿಬಾಬಾರವರ ವಿಗ್ರಹದ ಮುಂಭಾಗದಲ್ಲಿ ಅಮೃತ ಶಿಲೆಯ ಮತ್ತು ಬೆಳ್ಳಿಯ ಪಾದುಕೆಗಳನ್ನು ಸ್ಥಾಪಿಸಲಾಗಿದೆ.

ದೇವಾಲಯದ ಆವರಣದಲ್ಲಿ ಸಿಗುವ ಮೊದಲ ಗುಡಿಯಲ್ಲಿ ಕಪ್ಪು ಶಿಲೆಯ ಗಣಪತಿಯ ವಿಗ್ರಹವನ್ನು ಸ್ಥಾಪಿಸಲಾಗಿದೆ.

ಸಾಯಿಬಾಬಾ ದೇವಾಲಯದ ಪಕ್ಕದಲ್ಲಿ ಮತ್ತು ಗಣಪತಿ ಗುಡಿಯ ಹಿಂಭಾಗದಲ್ಲಿರುವಂತೆ ದೊಡ್ಡದಾದ ಧ್ಯಾನ ಹಾಗೂ ಭಜನಾ ಮಂದಿರವನ್ನು ಸ್ಥಾಪಿಸಲಾಗಿದೆ.

ಸುಮಾರು 8 ಅಡಿ ಎತ್ತರದ ಸುಂದರವಾದ ಹನುಮಂತನ ವಿಗ್ರಹವನ್ನು ದೇವಾಲಯದ ಆವರಣದಲ್ಲಿ ಸ್ಥಾಪಿಸಲಾಗಿದ್ದು ನೋಡಲು ಅತ್ಯಂತ ಮನೋಹರವಾಗಿದೆ.