ಶ್ರೀ ಸಾಯಿ ಸಚ್ಚರಿತ್ರೆ ಆಧಾರಿತ ಥೀಮ್ ಹಾಗೂ ಮಕ್ಕಳ ಮನರಂಜನೆಯ ಪಾರ್ಕ್ - ಸಾಯಿ ಹೆರಿಟೇಜ್ ವಿಲೇಜ್ - ಕೃಪೆ: ಸಾಯಿಅಮೃತಧಾರಾ.ಕಾಂ

ಸಾಯಿ ಹೆರಿಟೇಜ್ ವಿಲೇಜ್ ಶಿರಡಿ ಸಮೀಪದಲ್ಲಿರುವ ಪ್ರಪ್ರಥಮ  ಶ್ರೀ ಸಾಯಿ ಸಚ್ಚರಿತ್ರೆ ಆಧಾರಿತ ಥೀಮ್ ಹಾಗೂ ಮಕ್ಕಳ ಮನರಂಜನೆಯ ಪಾರ್ಕ್ ಆಗಿರುತ್ತದೆ. ಈ ಥೀಮ್ ಪಾರ್ಕ್ ನ ಉದ್ಘಾಟನೆಯನ್ನು ಜುಲೈ 2014 ರಲ್ಲಿ ಮಾಡಲಾಗಿದ್ದು ಇಲ್ಲಿಗೆ ಭೇಟಿ ನೀಡುವ ಯಾತ್ರಿಕರಿಗೆ ಶ್ರೀ ಸಾಯಿಬಾಬಾರವರ ಅವತರಣ ಕಾಲದಲ್ಲಿ ನಡೆದ ಘಟನಾವಳಿಗಳನ್ನು ನೆನಪು ಮಾಡಿಕೊಳ್ಳುವಂತೆ ಮಾಡುವುದಷ್ಟೇ ಅಲ್ಲದೇ ಇಲ್ಲಿನ ಸುಂದರವಾದ ನೈಸರ್ಗಿಕ ಪರಿಸರ, ಮಕ್ಕಳ ಮನರಂಜನೆಯ ಕ್ರೀಡೆಗಳು ಮನಸ್ಸಿಗೆ ಮುದ ನೀಡುತ್ತವೆ. 

ಶ್ರೀ ಸಾಯಿಬಾಬಾರವರ ಅವತರಣ ಕಾಲದಲ್ಲಿದ್ದ ಶ್ರೀ ಸಾಯಿಬಾಬಾರವರ ಹಾಗೂ ಶಿರಡಿ ಗ್ರಾಮಸ್ಥರ ಜೀವನ ಶೈಲಿಯನ್ನು ಈ ಶಿರಡಿ ಹೆರಿಟೇಜ್ ವಿಲೇಜ್ ಪ್ರತಿಬಿಂಬಿಸುತ್ತದೆ. ಹಾಗಾಗಿ ಈ ಸ್ಥಳವು ವಿಶಿಷ್ಟವೆಂದೇ ಹೇಳಬಹುದು.  ಶ್ರೀ ಸಾಯಿಬಾಬಾರವರ ಅವತರಣ ಕಾಲದಲ್ಲಿ ನಡೆದ ಪ್ರಮುಖ ಘಟನಾವಳಿಗಳು ಹಾಗೂ ಅವರು ನಡೆಸಿದ ಲೀಲೆಗಳು, ಶಿರಡಿ ಗ್ರಾಮಸ್ಥರ ಜೀವನ ಶೈಲಿಗಳನ್ನು ವಿಗ್ರಹದ ರೂಪದಲ್ಲಿ ಕೆತ್ತಲಾಗಿದೆ. ಅಲ್ಲದೆ, ಬಾಬಾರವರ ಪಲ್ಲಕ್ಕಿ ಉತ್ಸವದ ದೃಶ್ಯ, ಬಾಬಾರವರು ತಮ್ಮ ಭಕ್ತರಿಗೆ ಭೋಜನವನ್ನು ಬಡಿಸುತ್ತಿರುವ ದೃಶ್ಯ, ಬಡವರಿಗೆ ಔಷಧಿಯನ್ನು ನೀಡುತ್ತಿರುವ ದೃಶ್ಯ ಹಾಗೂ ಇನ್ನೂ ಹಲವಾರು ದೃಶ್ಯಗಳನ್ನು ಈ ಸಾಯಿ ಹೆರಿಟೇಜ್ ವಿಲೇಜ್ ನಲ್ಲಿ ಯಾತ್ರಿಕರು ನೋಡಬಹುದಾಗಿದೆ. ಈ ಎಲ್ಲಾ ದೃಶ್ಯಾವಳಿಗಳನ್ನು ಸುಮಾರು 100 ವರ್ಷಗಳಿಗೂ ಹಳೆಯದಾದ ಸಪೋಟ ಮರಗಳಿರುವ ತೋಪಿನಲ್ಲಿ ನಿರ್ಮಿಸಲಾಗಿದೆ.

ಮನರಂಜನಾ ಪಾರ್ಕ್: 

ಈ ಮನರಂಜನಾ ಪಾರ್ಕ್ ನಲ್ಲಿ ಮಕ್ಕಳಿಗೆ ಹಾಗೂ ದೊಡ್ಡವರಿಗೆಂದೇ ವಿಶೇಷವಾದ ಹಲವು ರೀತಿಯ ಸಾಹಸದ ಕ್ರೀಡಾ ಉಪಕರಣಗಳನ್ನು ಇರಿಸಲಾಗಿದೆ. ಹ್ಯಾಮೋಕ್ಸ್, ಮಚನಾಸ್ ಇನ್ ಟ್ರೀಸ್,  ಮೋನೋ ರೈಲ್, ರೋಪ್ ಸೈಕಲ್, ಸಾಹಸ ಕ್ರೀಡೆಗಳು, ಒಂಟೆ ಸವಾರಿ, ರೋಪ್ ವೇ ಹಾಗೂ ಇನ್ನೂ ಹಲವಾರು ಮನೋರಂಜನಾ ಕ್ರೀಡೆಗಳನ್ನು ಇಲ್ಲಿ ಯಾತ್ರಿಕರಿಗೆಂದೇ ವಿಶೇಷವಾಗಿ ಅಳವಡಿಸಲಾಗಿದೆ.

ರುಚಿಕರವಾದ ಆಹಾರ: 

ಇಲ್ಲಿಗೆ ಬರುವ ಯಾತ್ರಿಕರಿಗೆ ಶುದ್ಧ ಸಸ್ಯಾಹಾರಿ ಆಹಾರವನ್ನು ನೀಡುವ ಸಲುವಾಗಿ ಹೋಟೆಲ್ ಗಳನ್ನು ಸಹ ತೆರೆಯಲಾಗಿದೆ.

ಈ ಮನರಂಜನಾ ಪಾರ್ಕ್ ಅನ್ನು  ಬೆಳಿಗ್ಗೆ 9 ರಿಂದ ರಾತ್ರಿ 11ರವರೆಗೆ ಸಾರ್ವಜನಿಕರಿಗಾಗಿ ತೆರೆದಿಡಲಾಗಿರುತ್ತದೆ. ಪ್ರವೇಶ ಶುಲ್ಕ ಒಬ್ಬರಿಗೆ 150/-  ರೂಪಾಯಿಗಳು ಮಾತ್ರ. ಐದು ವರ್ಷ ಕೆಳಗಿನ ಮಕ್ಕಳಿಗೆ ಯಾವುದೇ ಪ್ರವೇಶ ಶುಲ್ಕವಿರುವುದಿಲ್ಲ. ಅಲ್ಲದೇ, ಶಾಲಾ ಪ್ರವಾಸಿಗರಿಗೆ ವಿಶೇಷ ಪ್ಯಾಕೇಜ್ ವ್ಯವಸ್ಥೆ ಕೂಡ ಇರುತ್ತದೆ.

ಸಂಪರ್ಕದ ವಿವರಗಳು: 

ಸಾಯಿ ಹೆರಿಟೇಜ್ ವಿಲೇಜ್ 

ಎಸ್.ವಿ.ಆರ್. ಹೋಟೆಲ್ ಹತ್ತಿರ, 

ಶಿರಡಿ-ಅಹಮದ್ ನಗರ ಹೆದ್ದಾರಿ,
ರಹತಾ ತಾಲ್ಲೂಕು, ಅಹಮದ್ ನಗರ ಜಿಲ್ಲೆ, 

ಮಹಾರಾಷ್ಟ್ರ,  ಭಾರತ,
ಸಂಪರ್ಕಿಸಬೇಕಾದ ವ್ಯಕ್ತಿ :ಶ್ರೀ.ಕಿಶೋರ್ ಬೋರವಾಕೆ, 

ದೂರವಾಣಿ ಸಂಖ್ಯೆಗಳು : +91 98811 94471/2/98225 99263

ಇ-ಮೇಲ್ ವಿಳಾಸ: saiheritagevillage@gmail.com 

ಅಂತರ್ಜಾಲ ತಾಣ: http://saiheritagevillage.com/index.html

ಕನ್ನಡ ಅನುವಾದ: ಶ್ರೀಕಂಠ ಶರ್ಮ