ಸಾಯಿ ಭಜನ ಗಾಯಕರು - ಜಗಜಿತ್ ಸಿಂಗ್ - ಕೃಪೆ - ಸಾಯಿ ಅಮೃತಧಾರಾ.ಕಾಂ
ಜಗಜಿತ್ ಸಿಂಗ್ ರವರು ಹಿಂದೆ ಕೇವಲ ಶ್ರೀಮಂತರ ಸ್ವತ್ತಾಗಿದ್ದ ಸಂಗೀತದ ಮತ್ತೊಂದು ಪ್ರಭೇಧವಾದ ಘಜಲ್ ಗಾಯನವನ್ನು ಎಲ್ಲ ವರ್ಗದ ಜನರಿಗೆ ತಲುಪಿಸುವಲ್ಲಿ ಮಹತ್ತರ ಪಾತ್ರವನ್ನು ವಹಿಸಿದ್ದಾರೆ. ಭಾರತೀಯ ಸಂಗೀತ ವಾದ್ಯಗಳೊಂದಿಗೆ ಪಾಶ್ಚಿಮಾತ್ಯ ವಾದ್ಯಗಳನ್ನು ಬಳಸಿ ಸಂಗೀತ ನಿರ್ದೇಶನ ಮಾಡುವುದು ಇವರ ಗಾಯನದ ವೈಶಿಷ್ಟ್ಯ. ಜಗಜಿತ್ ಸಿಂಗ್ ರವರು ತಮ್ಮ ವಿಶಿಷ್ಟ ಘಜಲ್ ಗಾಯನದಿಂದ "ಘಜಲ್ ಜಿತ್ ಸಿಂಗ್" ಎಂದು ಪ್ರಸಿದ್ದರಾಗಿದ್ದರೆ.
ಹಿಂದಿ ಚಿತ್ರರಂಗದ ಖ್ಯಾತ ಹಿನ್ನೆಲೆ ಗಾಯಕರಾದ ಕುಮಾರ್ ಸಾನು, ಅಭಿಜಿತ್, ತಲತ್ ಅಜೀಜ್ ರವರನ್ನು ಚಿತ್ರರಂಗಕ್ಕೆ ಪರಿಚಯಿಸಿದ ಕೀರ್ತಿ ಜಗಜಿತ್ ಸಿಂಗ್ ರವರಿಗೆ ಸಲ್ಲುತ್ತದೆ. ಇವರಲ್ಲದೆ, ಘನಶ್ಯಾಂ ವಾಸ್ವಾನಿ, ಅಶೋಕ್ ಖೊಸ್ಲ, ಸಿಜಾ ರಾಯ್, ವಿನೋದ್ ಸೆಹಗಲ್ ರವರುಗಳಿಗೂ ಕೂಡ ಮಾರ್ಗದರ್ಶನ ನೀಡಿದ್ದಾರೆ.
ಇವರು ಪಾಕಿಸ್ತಾನದ ಗಾಯಕರು ಭಾರತದಲ್ಲಿ ಹಾಡುವುದನ್ನು ತೀವ್ರವಾಗಿ ವಿರೋಧಿಸಿದರು. ಏಕೆಂದರೆ, ಪಾಕಿಸ್ತಾನವು ಈ ಹಿಂದೆ ಭಾರತೀಯ ಗಾಯಕರನ್ನು ಪಾಕಿಸ್ತಾನದಲ್ಲಿ ಹಾಡಲು ಅವಕಾಶ ನೀಡುತ್ತಿರಲಿಲ್ಲ.
ಜಗಜಿತ್ ಸಿಂಗ್ ರವರು ಸಾರ್ವಜನಿಕರಿಗೆ ಸಹಾಯ ಹಸ್ತ ನೀಡುತ್ತಿರುವ ಸಂತ ಮೇರಿ ಗ್ರಂಥಾಲಯ (ಮುಂಬೈ), ಮುಂಬೈ ಹಾಸ್ಪಿಟಲ್, ಚೈಲ್ಡ್ ರಿಲೀಫ್ ಅಂಡ್ ಯು (CRY) , ALMA (ಅವಕಾಶ ವಂಚಿತ ವಿದ್ಯಾರ್ಥಿಗಳನ್ನು ದತ್ತು ಪಡೆದು ಅವರುಗಳಿಗೆ ವಿದ್ಯೆಯನ್ನು ಹಾಗೂ ಕೆಲಸವನ್ನು ಕೊಡಿಸುವುದರಲ್ಲಿ ಸಹಾಯ ಮಾಡುವ ಸಂಸ್ಥೆ) ಸಂಘ ಸಂಸ್ಥೆಗಳೊಂದಿಗೆ ಕೈಜೋಡಿಸಿ ತಮ್ಮ ಕಾರ್ಯಕ್ರಮಗಳನ್ನು ನೀಡುವುದರ ಮುಖಾಂತರ ತಮ್ಮದೇ ಆದ ರೀತಿಯಲ್ಲಿ ಸಮಾಜಕ್ಕೆ ಸೇವೆಯನ್ನು ಸಲ್ಲಿಸುತ್ತಿದ್ದಾರೆ.
ಇವರ ಸಂಪರ್ಕದ ವಿವರಗಳು ಈ ಕೆಳಕಂಡಂತೆ ಇವೆ:
ವಿಳಾಸ : ಶ್ರೀ.ಸಂಜಯ್ ತಯಾಲ್, ಎಮರಾಲ್ಡ್ ಇನ್ಫೋ ಕಾಂ ಪ್ರೈವೇಟ್ ಲಿಮಿಟೆಡ್, ೧, ಅರಬಿಂದೋ ಸೊಸೈಟಿ, ವಸ್ತ್ರಪುರ್ ಕೆರೆಯ ಎದುರು, ವಸ್ತ್ರಾಪುರ್, ಅಹಮದಾಬಾದ್ - 380 015. ಗುಜರಾತ್.
ದೂರವಾಣಿ : 91-೯೮೨೪೦೨೫೯೭೩ /೯೧-೭೯-೨೬೭೫೦೫೫೫ / ೨೬೭೬೭೩೨೯ ಜಗಜಿತ್ ಸಿಂಗ್ ರವರ ಕಾರ್ಯಕ್ರಮವನ್ನು ಬುಕ್ ಮಾಡಲು ಸಂಪರ್ಕಿಸಿ : ಶ್ರೀ. ಕುಲದೀಪ್ ದೇಸಾಯಿ (+೯೧-೯೦೦೪೦೩೯೯೩೬)
ವೆಬ್ ಸೈಟ್ : http://www.jagjitchitrasingh.com/
ಆಲ್ಬಮ್ : ಓಂ ಸಾಯಿ ರಾಮ್ -ಭಾಗ ೧ ಮತ್ತು ೨ ಮತ್ತು ಇನ್ನು ಹಲವಾರು ಆಲ್ಬಮ್ ಗಳು.
ಇವರ ಭಜನೆಯನ್ನು youtube ನಲ್ಲಿ ವೀಕ್ಷಿಸಲು ಈ ಕೆಳಕಂಡ ಜೋಡಣೆಯನ್ನು ಕ್ಲಿಕ್ ಮಾಡಿ :
